200 هەزار میوان بەشداری فێستیڤاڵی گەرمیان بوون

PUKMEDIA

فێستیڤاڵی گەرمیان

لە رۆژی 20-11-2025 شەشەمین فێستیڤاڵی بازاڕکردن لە گەرمیان دەستیپێکرد و بۆ ماوەی چوار رۆژ بەردەوام بوو، کە بەهۆیەوە 200 هەزار میوان و گەشتیار لە ناوخۆی هەرێمی کوردستان و پارێزگاکانی ناوەڕاست و خواروی عیراقەوە سەردانی گەرمیانیان کردووە.

لەو فێستیڤاڵەدا بە نرخی (ملیارێک و  900 ملیۆن ) دینار شمەک و کاڵا فرۆشراوەو زیاتر لە حەوت گروپی گەشتیاری دەرەکی و ناوخۆیی بەتایبەت گەشتیاریان بۆ گەرمیان و فێستیڤاڵەکە هێنابوو، کە تێیدا ( 225  کۆشک ) بۆ بڕاندەکان دروست کراوەو زیاتر لە 300 خاوەن کار و کۆمپانیا و براند بەشدارییان لە فێستیڤاڵەکەدا کرد و پێنج کۆشکی بێبەرامبەر دراوە بە رێکخراوی خێرخوازی و کەسانی خاوەن پێداویستی تایبەت.

لەمیانی فێستیڤاڵەکەدا خانمانی دەست رەنگین 32%ی خاوەنکاران بوون و نزیکەی هەزار و 900 هەلی کاری کاتی لە ناوەوە و دەرەوەی فێستیڤاڵ رەخسێندرابوو، هاوکات نزیکەی ( سێ هەزار و 250 ) پشکنینی تەندروستی لەلایەن سێ نەخۆشخانە و جێگای تەندروستیەوە بێبەرامبەر بۆ میوانان و سەردانیکاران کراوە.

PUKMEDIA