Semînarek di bin navê "Pêşeroja Rojavayê Kurdistanê û Sûriyê" hate lidarxistin

PUKMEDIA

Dîmenek ji semînerê

Duh roja Sêşemê rêkefta (22/09/2026)am li Pirtûkxaneya Giştî ya taxa Bekreco ya bajarê Silêmaniyê, semînerek derbarê pêşketin û guhertinên li Rojavayê Kurdistan û Sûriyê bi giştî hat lidarxistin.

Di kopiya teybet ya derbarê semînerê de ku ji bo PUKMEDIA hatiye şandin têde hatiye ku, di destpêkê de birêz Zerdeşt Celal, Rêveberê Giştî yê Pirtûkxaneya Bekreco ,bi xêrhatina mêvanan kir û kurteyek li ser pêşhateyên Rojava û guhertinên siyasî û dîplomatîk û çawaniya destpêkirina diyaloga Kurdî digel Hikûmeta Demkî ya Sûriyê pêşkêş kir û merasîmê piştî rawestana deqeyek rêzgirtin ji bo giyanê şehîdan dest pê kir.

Paşê semîner ji aliyê lêkoler û nivîskarê Kurd û karûbarên siyasî yên Sûrî û Kurdî de Hozan Efrînî hat pêşkêşkirin di bin navê "Pêşeroja Rojavayê Kurdistanê û Sûriyê" de behsa guhetinên dîplomatîk, siyasî û leşkerî û pêşeroja Kurd li Sûriyê kir.

Her weha rola rewanşad serok Mam Celal li Sûriye û Rojavayê Kurdistan û parçeyên din yên Kurdistanê di serdema berê û niha jî ku YNKê dirêjî pê daye anî ser ziman.

Di dawiyê de deriyê pirs û gengeşeyê hate vekirin û Hozan Efrînî bersiva hemû pirsên amadebûyan da, û bi vî awayî semîner bi dawî bû.

PUKMEDIA