لەسەر ڕاسپاردەی قوباد تاڵەبانی تەرمی دوو منداڵەکە دەگەڕێنرێنەوە سلێمانی

سۆشیال میدیا

وێنەی سێ منداڵە خنکاوەکە و دایکیان

لەسەر ڕاسپاردەی قوباد تاڵەبانی جێگری سەرۆکی ئەنجومەنی وەزیران، سبەینێ تەرمی ئەو دوو منداڵە دەگەڕێنرێتەوە بۆ شاری سلێمانی کە لە ڕووباری مەریج لەسەر سنووری تورکیا و یۆنان گیانیان لەدەستدا.

بە هاوکاری نوسینگەی قوباد تاڵەبانی و رێکخراوی لوتکە، سبەینێ تەرمەکان دەگەڕێندرێنەوە هەرێمی کوردستان و بەگەیشتنیشیان بۆ فڕۆکەخانەی نێودەوڵەتی هەولێر بەرێدەکرێن بۆ زێدی خۆیان لەشاری سلێمانی و بڕیارە لە گۆڕستانی نوێی سلێمانی بەخاک بسپێردرێن.

ئەمەش لەکاتێکدایە کە تەرمی منداڵی سێیەمی هەمان خانەوادە هێشتا نەدۆزراوەتەوەو گەڕان بەدوایدا بەردەوامە.

PUKMEDIA