بارانبارین دەستپێدەكات و پلەكانی گەرما نزم دەبنەوە

PUKMEDIA

هەور و باران

كەشناسی هەرێم كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان بەهۆی كاریگەریی نزمە پاڵەپەستۆی دەریای سپیی ناوەڕاستەوە شەپۆلێكی بارانبارین ناوچە جیاجیاكانی هەرێم دەگرێتەوە و پلەكانی گەرماش ڕوو لە نزمبوونەوە دەكەن.

بەڕێوەبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، ئەمڕۆ چوار شەممە  28ی 10 ی 2026، لەئەنجامی هاتنی نزمە پاڵەپەستۆی دەریای سپی ناوەڕاست، ئاسمانی هەرێم بۆ هەوری تەواو دەگۆرێت و سەرەتا نمەباران لەئیدارەی سەربەخۆی زاخۆو سنووری پارێزگای دهۆك دەست پێدەكات، پاشان ناوچە شاخاوییە بەرزەكان و سنووری پارێزگای هەولێرو ئیدارەی سەربەخۆی سۆران دەگرێتەوە، لەدرەنگانی شەویشدا سنووری پارێزگای سلێمانی دەگرێتەوە.
 
راشیگەیاندووە: پلەكانی گەرما نزم دەبنەوەو بەرزترین پلەكانی گەرمای پێشبینیكراویش بە پلەی سیلیزی بەمشێوەیە دەبێت:

هەولێر: 30 پلەی سیلیزی 
پیرمام: 26 پلەی سیلیزی
سلێمانی: 28 پلەی سیلیزی
هەڵەبجە: 29 پلەی سیلیزی 
چەمچەماڵ: 29 پلەی سیلیزی
دهۆك: 28 پلەی سیلیزی
زاخۆ: 28 پلەی سیلیزی 
ئاكرێ: 29 پلەی سیلیزی 
گەرمیان: 33 پلەی سیلیزی 
حاجی ئۆمەران: 18 پلەی سیلیزی

كەشناسی راشیگەیاندووە: سبەی پێنج شەممە 29ی 10ی 2026، لە ئەنجامی بەردەوامبوونی شەپۆلی باران بارین  لەسەرجەم ناوچە جیا جیاكان باران بەشێوەی بارانی مامناوەند و هەندێك كاتیش نمە بارانی پچر پچر دەبێت لەگەڵ دروست بوونی هەورە تریشقە . 

كەشناسی ئەوەشی خستەڕوو: پلەكانی گەرما كەمێك نزم دەبنەوەو بەرزترین پلەكانی گەرمای پێشبینیكراویش بە پلەی سیلیزی بەمشێوەیە دەبێت:

هەولێر: 29 پلەی سیلیزی
سلێمانی: 27 پلەی سیلیزی
هەڵەبجە: 28 پلەی سیلیزی  
پیرمام: 25 پلەی سیلیزی
چەمچەماڵ: 29 پلەی سیلیزی
دهۆك: 27 پلەی سیلیزی
زاخۆ: 26 پلەی سیلیزی 
ئاكرێ: 28 پلەی سیلیزی 
گەرمیان: 33 پلەی سیلیزی 
حاجی ئۆمەران: 17 پلەی سیلیزی

PUKMEDIA