دەستنووسە کۆنەکانی سلێمانی بەشێوەیەکی دیجیتاڵی بەجیهانی دەکرێن

کتێبخانەی ئەوقافی ناوەندی سلێمانی

پانێڵێک بۆ باسکردنی دەستنووسە جیهانییەکان

ئێوارەی ئەمڕۆ 27ی10ی2026، ڕێورەسمی راگەیاندنی دانپێدانانێکی نێودەوڵەتی بە گەنجینەی دەستنوسەکانی کتێبخانەی ئەوقافی ناوەندی سلێمانی و پرۆسەی بە دیجیتاڵکردنی دەستنوسەکان بەمەبەستی پاراستنی لە کتێبخانەی بریتانیا بەڕێوەچوو، کەسلێمانی دەباتە سەر نەخشەی نێودەوڵەتی ئەرشیفی جیهانی.

لەو چوارچێوەیەشدا لە پڕۆژەکەدا کە بە هاوبەشییە لەگەڵ زانکۆی ئێکزیتەری بریتانیا، تائێستا 4 هەزار و 70 دەستنووس بەدیجیتاڵ کراون و بەکوردی و ئینگلیزی بەردەستکراون، دواتر لەمیانی پانێڵێکدا ناوەڕۆکی هەندێ لەدەستنووسە بەنرخەکان باسکران و ئاماژە بەوەکرا، کە یەکێک لە دەستنوسەکان سلێمانی وەک دارلعیلم ناودەبات کەبەڵگەی مێژوویی پشتگیریکار و سەلمێنەری نازناوی پایتەختی رۆشنبیرییە.


هاوکات، لە رێورەسمەکەدا کەخاتوو شاناز ئیبراهیم ئەحمەد ئامادەیبوو، خەڵاتی ڕێزلێنان بەخشرایە ئەو کەسایەتیانەی کەبەشداربوون و خۆیان تەرخان کرد بۆ بەجێگەیاندنی ئەم پڕۆژە گرنگە.
 
هەروەها، کەوسەر محەمەد ئەمین بەڕێوەبەری کتێبخانەی ئەوقافی ناوەندی سلێمانی ستایشی ئەم هەوڵە هاوبەشە نیشتمانی و نەتەوەییەی کرد و ئاماژەی بەهەوڵ و پشتگیرییەکانی خاتوو شاناز ئیبراهیم ئەحمەد کرد لەبەرەوپێشبردنی کارەکانی کتێبخانەی ئەوقاف و فەراهەمکردنی دەرفەتی بەدەستهێنانی زانیاری لەوڵاتانی پێشکەوتوی دنیا لەوبوارەدا سەرباری هەوڵ و هیممەتەکانی لەزانکۆکانی وڵاتی بریتانیا بۆ بەرەوپێشبردنی کایەی کلتوری و ناسنامەی ڕۆشنبیری و شارستانی کورد.

PUKMEDIA